Iqula leziphathamandla zamabandla eNkonzo yesiKristu zithi ziphakathi komkhankaso wokhuthaza inkokheli yamazwe akuzwekazi le Africa ukuthi ibambe uMongameli Robert Mugabe ngamandla ukuthi aguqule imithetho yokhetho ukwenzala ukuthi lube ngolukhululekileyo.
Iqula leli, elizibiza ngokuthi yi Zimbabwe Heads of Christian Denominations njalo likhokhelwa ngumfundisi Goodwill Shana we Evangelical Fellowship of Zimbabwe selethule ugwalo lwezikhalazo zalo.
Izikhalazo lezi zigoqela inguquko kwezombusazwe, kwezemithetho, kwezokwethulwa kwembiko, kuluhlu lweVoters’ Role, kanye lakwezomvikela.
Umfundisi Useni Sibanda we Christian Alliance, olilunga laleliqula uthi abafundisi bakubone kufanele ukuqhuba lumkhankaso ngoba ilizwe lokhu lingakagcwalisi iziqondiso zesivumelwano seGlobal Policitical Agreement.
UMnu. Effie Dlela Ncube, ingcwethi ecubungula ezombusazwe uthi uhulumende akufanelanga asole iqula leli ngoba limele abantu beZimbabwe abafuna inkululeko, abangagoqela laamalunga ebandla leZANU.